વિધાર્થીઓના શાળાકીય વાતાવરણનો શૈક્ષણિક સિદ્ધિના સંદર્ભમાં અભ્યાસ

Abstract

પ્રત્યેક રાષ્ટ્રની પ્રગતિનો આધાર તે રાષ્ટ્રની શિક્ષણ પ્રણાલીની ગુણવત્તા પર નિર્ભર હોય છે. શિક્ષણને સામાજીક અને આર્થિક પરીવર્તન માટેનું મહત્વનું સાધન ગણવામાં આવે છે. નેશનલ એજ્યુકેશન પોલીસી-૨૦૨૦ માં વય શ્રેણીને અનુરૂપ, તેમના વિકાસના વિવિધ તબક્કાઓ પર વિધાર્થીઓની વિકાસલક્ષી જરૂરિયાતો અને રુચિઓને અનુરૂપ બનાવવા માટે શાળા શિક્ષણના અભ્યાસક્રમ અને શિક્ષણશાસ્ત્રના માળખાને ફરીથી ગોઠવવામાં આવશે તેવુ સ્પષ્ટપણે જાણવા મળે છે અને તેમાં અભ્યાસક્રમ અને શિક્ષણશાસ્ત્રનું માળખું અને શાળા શિક્ષણ માટે અભ્યાસક્રમ માળખાને ૫+૩+૩+૪ ડિઝાઇન દ્વારા માર્ગદર્શન આપવામાં આવશે. વર્તમાન સમયમાં શિક્ષણનો આશય સમાજના સભ્યોને સમાજમાં રહેવા માટે લાયક બનાવવાનો છે. તેથી શિક્ષણની આજની પદ્ધતિ બાળકને એક જાગૃત ક્રિયાશીલ અંગ તરીકે સ્વીકારે છે. જૂના વખતમાં બાળકે માત્ર એક શ્રોતા તરીકે ભાગ ભજવવાનો હતો પણ આજે એણે જાતે જ બધુંજ શીખવાનું છે. વિધાર્થીઓની શૈક્ષણિક સિદ્ધિ સારી ત્યારે જ મળે જ્યારે તેનું વ્યક્તિત્વ સુગ્રથિત હોય, અધ્યયન દ્વારા સુગ્રથિત વ્યક્તિત્વ વિકસાવી શકાય છે. તેથી ધોરણ-૯ ના વિદ્યાર્થીઓની શૈક્ષણિક સિદ્ધિ પર શાળાકીય વાતાવરણની શી અસર પડે છે તે જાણવા પ્રસ્તુત સંશોધન હાથ ધરવામાં આવેલ છે.