રાષ્ટ્રીય શિક્ષણ નીતિ ૨૦૨૦ અંતર્ગત શિક્ષણ ક્ષેત્રે કરવામાં આવેલા સુધારાઓનો અભ્યાસ

Abstract

રાષ્ટ્રીય શિક્ષણ નીતિ ૨૦૨૦ એ ૨૧મી સદીની પ્રથમ શિક્ષણ નીતિ છે જે કે. કસ્તૂરીરંગન સમિતિની ભલામણો અને દેશના વિભિન્ન વર્ગોના સૂચનોના આધારે તૈયાર કરવામાં આવી. આધુનિક સમયને અનુલક્ષીને વિદ્યાર્થી બદલાતા વૈશ્વિક પ્રવાહ સાથે આગળ વધે તે માટે પધ્ધતિસરનું ગુણવત્તાયુક્ત શિક્ષણ ખૂબ જરૂરી છે. આ શિક્ષણ નીતિ પ્રાથમિક શિક્ષણથી ઉચ્ચ શિક્ષણ સુધીના બધા જ તબક્કાને આવરી લે છે. પ્રસ્તુત સંશોધન પત્રમાં રાષ્ટ્રીય શિક્ષણ નીતિ ૨૦૨૦ અંતર્ગત પ્રાથમિક અને ઉચ્ચ શિક્ષણમાં કરવામાં આવેલ સુધારાનો અભ્યાસ કરવામાં આવ્યો છે.