ઉચ્ચત્તર માધ્યમિક કક્ષાએ રસાયણવિજ્ઞાન વિષયના પસંદિત એકમો માટે નિદર્શન કાર્યક્રમની સંરચના અને તેની અસરકારકતા

Abstract

શિક્ષણની પ્રક્રિયામાં વિદ્યાર્થીને વિષયવસ્તુ સંલગ્ન વાસ્તવિક અને પ્રત્યક્ષ પ્રાયોગિક અનુભવો પુરા પાડીને વિષયવસ્તુની સૈદ્ધાંતિક સમજ મજબુત બનાવતુ એક અગત્યનું ઘટક છે. ઉચ્ચતર માધ્યમિક કક્ષાએ રસાયણવિજ્ઞાન વિષયનાં વિષયવસ્તુને માત્ર વર્ગખંડમાં વ્યાખ્યાન આપવાથી સમજાવવું કઠિન છે. વિષયવસ્તુને સ્પષ્ટ સમજાવવા માટે પ્રત્યક્ષ પ્રાયોગિક અનુભવો પુરા પાડવા જોઈએ.

સંશોધક રસાયણવિજ્ઞાન વિષયના શિક્ષક છે. તેથી રસાયણવિજ્ઞાન વિષયના શિક્ષણમાં શૈક્ષણિક સાધનો વાપરવાનું મહત્વ સમજે છે. તેથી સંશોધકે રસાયણવિજ્ઞાનના અધ્યાપન કાર્યમાં નિદર્શન કાર્યક્રમની અસરકારકતા વ્યાખ્યાન પદ્ધતિની સાપેક્ષમાં ચકાસવાનો નિર્ણય કરેલો છે. આ બાબતને નજર સમક્ષ રાખી સંશોધક ઉચ્ચત્તર માધ્યમિક કક્ષાએ રસાયણવિજ્ઞાન વિષયના પસંદિત એકમો માટે નિદર્શન કાર્યક્રમની રચના કરી અને તેના પર થતી અસર ચકાસવામાં આવી હતી.