જેતપુરનો કાપડ ઉદ્યોગ

Abstract

જેતપુર એ એક કાપડનું શહેર છે હાલમાં જોઇએ તો જેતપુર સ્ક્રીન પ્રિંટિંગ, બ્લોક પ્રિંટિંગ માટે દેશનું એક મોટું કેન્દ્ર છે. તે સુતરાઉ સાડી માટે પણ પ્રખ્યાત છે જેતપુરના વિકાસમાં ડાઇંગ ઉદ્યોગના મહત્વનો ફાળો રહ્યો છે કાપડના વેપારમાં જેતપુર પહેલેથી જ મોખરે છે ધોરાજી, ઉપલેટા, કુતિયાણા, પોરબંદર, જુનાગઢ વગેરેના લોકો સાડીની ખરીદી માટે જેતપુર આવતા હતા આજે જેતપુરમાં લગભગ 2000થી વધુ નાના-મોટા સાડી અને ડ્રેસના યુનિટો ચાલી રહ્યા છે અને હજારો લોકોને રોજગારી પૂરી પાડી રહ્યું છે. જેતપુરમાં રંગાયેલી સાડીઓ ડ્રેસ અન્ય કાપડનો રંગ પાકો અને ટકાઉ છે. આજે જેતપુરનો આ સાડીની માંગ માત્ર ભારત પૂરતી જ નહીં પણ વિદેશમાં પણ છે. જેતપુરના કિટાંગો, ખાગ, ચૂટણી પ્રચાર માટેનું કાપડ, ડ્રેસ, ખાસ પ્રકારની બાંધણી અને ધાર્મિક પ્રસંગ માટેનું કાપડ વિદેશમાં જાય છે. વિદેશ વ્યાપારમાં જોઇએ તો આફ્રિકા, કોરિયા, પાકિસ્તાન, બાંગ્લાદેશ, ચીન, યુરોપ અને અરબના દેશોમાં જેતપુરની નિકાસો થાય છે.