અંબુજા સિમેન્ટ ફાઉન્ડેશન દ્વારા સંચાલિત વ્યાવસાયિક તાલીમ કેન્દ્ર – અંબુજાનગર

Abstract

અંબુજા સિમેન્ટ કંપની એ ભારતના ખ્યાતનામ ઉદ્યોગગૃહમાં સ્થાન ધરાવે છે. આ કંપની એ વૈશ્વિક ગ્રૂપ લાફાર્જ હોલસીમનો ભારતમાં કાર્યરત એક ભાગ છે. લાફાર્જ હોલસીમ એ વિશ્વ પ્રસ્સિદ્ધ ગ્રૂપ છે અને તે વિશ્વમાં સૌથી વધુ સિમેન્ટ ઉત્પાદન માટે જાણીતી છે. વર્ષ 2022માં લાફાર્જ હોલસીમ જુથ દ્વારા ભારત દેશનો પોતાનો ઉદ્યોગ વેચાણ કરવાથી હાલમાં આ ઉદ્યોગ ભારતના ખ્યાતનામ ઔદ્યોગિક સમૂહ અદાણી જુથ દ્વારા ખરીદવામાં આવ્યો છે. આ જૂથના ચેરમેન શ્રી ગૌતમ અદાણી કાર્યરત છે. તેની વાર્ષિક ક્ષમતા 29.65 મિલિયન ટન પ્રતિ વર્ષ છે. કુલ ઉત્પાદનમાથી ૫ મિલિયન ટન સિમેન્ટ કોડીનાર ખાતેના અંબુજનગરમાં ઉત્પન્ન કરવામાં આવે છે. આ કંપનીના મુખ્યત્વે 5 પ્લાન્ટ ભારતભરમાં કાર્યરત છે. આ ઉપરાંત 8 ગ્રાઈન્ડિંગ યુનિટ પણ ભારતમાં કાર્યરત છે. આ ગ્રૂપનો સૌ પ્રથમ પ્લાન્ટ એવો એકમ ગીર સોમનાથ જિલ્લાના કોડીનાર ખાતે કાર્યરત છે^૧. તેની સ્થાપના વર્ષ ૧૯૮૭ માં કરવામાં આવી હતી. આ એકમ પાવર વપરાશની બાબતમાં આત્મનિર્ભર છે અને સમગ્ર એકમમાં વપરાશ થતાં પાવર નું પોતાની પાસે રહેલા પાવર ઉત્પાદનમાં ઉત્પન્ન કરે છે. આ એકમ એ સિમેન્ટનું દરિયાઈ માર્ગે વહન કરવા માટે ખ્યાતનામ છે. દેશમાં સૌ પ્રથમ દરિયાઈ માર્ગે સિમેન્ટ વહન ચાલુ કરવાનો શ્રેય આ એકમને જાય છે. અહી કોડીનાર તાલુકાના મૂલદ્વારકા બંદર ખાતે કંપનીનો પોતાનો બલ્ક સિમેન્ટ ટર્મિનલ કાર્યરત છે.  આ બંદર પર જેટીની રચના કરવામાં આવેલ છે જેમાંથી દરિયાયાઈ માર્ગે વહાણ દ્વારા સિમેન્ટનું વહન થાય છે. આ બંદર મુંબઈ અને સુરતની સાથે દરિયાઈ માર્ગે જોડાયેલ છે. અંબુજા સિમેન્ટ કોડીનાર ખાતે મુખ્યત્વે નીચે દર્શાવેલ સિમેન્ટનું ઉત્પાદન થાય છે^૨.